Dawtmi nu le pa u le nau nan dam cio ko hna lo maw?kan damlio asi ve hna. Kan tlin lo ruang ah le dawt awk tlak lo a kan dawt nak ruang ah, Carel tu pupak cio nan sin THAWNGTHA BIA ka von tial Ngam nak asi.
Thawngtha I hrawm hna u sih. Bible cherhchan Exo 32:31-32
Moses cu Bawipa sinah khan a hong kal than i,“Hi mi hna nih hin athalo hringhran mi sual nak kha an tuah ko cang! An caah sui pathian an I ser. Asinain an sualnak cu ngaithiam ko sawh hna. Cun na ngaihthiam khawh hna lo asi le nangmah nih na tialmi cauk chung khan keimah ka min tu kha hlo ko,”a ti. Cathiang kan rel mi Bawipa nih a thar in thluachuah kan pek piak ko seh...A...men
Exodus 32 chung kan rel tik ah Isarel mi tuanbia/tuanthu tam pi lah ah pakhat ai tel ve mi Moses nih a mi phuan hna caah Pathian a nawl nak kan hmuh, I Pathian a lung a thlen nak kan hmuh fawn. cuve bantuk in nihin Zum tu kan nih hna kan nun tuanbia(a liamcia kan nun) hi I zoh ve hna hnik u sih cathiang ah lut colh ko u sih ti kan sawm hna.
1. Pathin nih Moses cu Isarel miphun Izip ram sal an tan nak chung in an luatnak ding ah a thim mi asi cu kan theih zungzal mi asi. Cu ve bantuk in kan Bawipa Jesuh khrih kha vulei a len lio ah a zultu hna kha a thawh hna i nannih nih cun nan ka thim lo kei mah nih kan thiam hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.( John 15:16) a kan ti nak kha kan hmuh. Kan nih Zum tu hna zong a hmun ding theitam pi tlai ding in kan Bawipa Jesuh Khrih nih a kan thim ve mi kan si.(phundang in kan chim ahcun Pathian a kan dawt nak a thei lo mi hna nih an theih khawh nak ding ah a kan thim) mi kan si.
2. Moses nih nawlbia lungtlap a lak kar ah Isarel mi pi nih sui cawfa an rak I ser i... an biak, cu tik ah Pathian thinhon nak kan hmuh(Exo-32:9 in 13 tiang rak rel ve te) Sihmansehlaw Moses nih Bawipa cu a thinhon nak I tthum tthan ding in a nawl I Bawipa a lung ai thlen than nak kan hmuh than fawn(Exo 32:14 ) cuve ban tuk in kan nih Zum tu asi cang (a kan thim) cia mi hna nih hin kan hawi nu kan hawi pa kan u kan nau kan nu le kan pa hna nih sual nak le Pathian thinhon nak an/kan tuah tik ah Moses bang in ngaihthiam nak an/kan hmuh khawh nak hnga le Pathian thinhon nak an iin ding chung in an/kan luat khawh nak ding ah Pathin sin ah a nawl ve ding kan si. Um sawsawh le zohsawsawh in um ding kan si lo. Daithlang lo tenthlacam nak in nawl ko hna u sih.
3. Exo.32:19-20 ah Moses cu a mi phun hna cung ah cun a thin a hong tuk nak kan hmuh. Sihmanhselaw hme 31-32 nak kan rel mi ah khan a mah min hlo ding tiang in a mi phun cu an sual nak ngaihthiam an si khawh nak ding ah, A nawl piak tu hna asi than. Kan nih cu kan u nau/hawi nih kan miphun nih kan khua mi nih sual nakkan/an tuah tik ah Pathian sin I thlacam piak le ngaihthiam nak a hmuh nak ding ah i nawl piak cu chim lo in kan thin a hong chinchin! Zumtu nu/pa le u/nau hna ruat than hman hna u sih! Moses bang in Bawipa a nawl piak tu ding kan si. kan miphun/hawikom le kan nu kan pa kan u kan nau hna sual nak thiltha lo an /kan tuah nak chung in ngaihthiam nak an/kan hmuh nak ding ah zumtu asi cang mi nang le kei nih kan Bawipa sin ah nawl hal hna usi. Moses nih cun a mah le a tefa lawng miphun ngan serding cu a rak duh lo nak kan hmuh(Exo 32:10 ff) a miphun caah luat/ngaihthiam nakan hmuh nak ding ah a min hloh than ding thiang in Pathian a nawl piak hna kan nih zong nih I zoh chun in kan ram kan miphun kan khuami hna Sual sal ah a tang mi hna caah Bawipa nawl piak ve hna usi! Luat nak an humhnak ding ah kan rian asi zumhnak in thlacam nak in hal cio hna usih.
Pathian bia cu a thuk a kau mi asi caah palh sual mi le tial sual mi Bawipa min ngaihthiam kan nawl hna. Thawntha ai hrawm mi dihlak Bawipa nih thluachuah kan pekpiak ko seh...A.....men
Lawmh nak tam pi he... Van Duh pa Kualalampur, Malaysia Phone - 0107716353