Hawidawt, Pathianthawng in nan damko lai ti zumhnak ka nei kan nihzong kan dam ttha.
Hi bantuk in caan a kan pe tu kan Pathian amin thangtthat si ko seh.Awite le zinghmuh Unau nan dih lakcung ah lomh nak bia ka chim.
Cathiang ka thim mi . (Salm 139: 7 Nathlarau sin hin khuazei ah dah ka zam khawh lai?
Na hmaika hin khuazei ah dah kaa thuh khawh lai?)
(2samuel 11: 4 Cu caah David nih lamkal a hei thlah hna i an va lak; cun a sin ah ara i a rak ihpi.
Siangpahrang David hi Pathian nih a pek mi thiltikhawh nak cu raltuk tthawn nak asi,hlasak athiam mi tukha cu Saul siangpahrang amawl caan ah chikkhat te adam khawh nak hnga cah Pathian nih a rak pek mi asi .Tthal ahungchuak i siangpahrang hna nih ral tuk ah an ralkap he an kal caan ah a mah kal duhttung lo in aralkap lawng akal ter hna ruang ah a tuahding asi lo mi Uriah nupi Bathsheba tu arak sualpi diam ko .David nih cun an pa zong nih ka theilemhlah ti in sual tuah bal lo tebang aum ter diam ,hmanh seh law Pathian hmai ah cun zeite taktak hmanh thuhkhawh le phehkhawh asi lo zia kha Profet Nathan sin in a theih tthan tik ah aw Pathian hmaika ah mi sual ka si tin asual nak angaihchih cawlh tik ah Pathian zong nih amah thih nak tiang tong lo ding in asual nak angaithiam .
Vawitampi ah zumtu kan si nak i philh zau in thil ttha lo le athiang lo mi kan tuah caan tete aum ve tawn ko na in ,aw ka sual hi teh Pathian hmai ka ah mah hi attha lo mi le a thiang lo mi asi ti lo te in sual tuah lo le vaibar lo te bang in kan um tawn i kan sual nak tu kan hmaimilh tawn. An chim ka theibal mi ah cun sanhrang khi ti akhatmi um pi chung ah chia u law tium cu mei alhhluah mah mi lungthu ah nan laan ah cun chuak lo le pet lo te in athiah tiang anuamhpi ko lai tiah an chim ka theihbal,ti a hung lumriahmah zong ah a nuam chin leng mang in a ruah thih khawh nak asi ti ahun theih ah cun achuak kho ti lo.
Salm chung ah kan rel cang bang in David nih cun Pathian sin in khuazei hmanh ah zam khawh le i thuh khawh asi lo zia le kan sual nak zong I pheh khawh asi lo zia fiang te in a hmuh tik ah , aw na thlarau sin hin khuazei hmanh ah ka zaam kho lai lo a hlat nak bik ni tlak lei le rili chung hmanh ah narak um ko lai ,ka thinlung vialte hi na kan hngalh dih lawng hmanh si lo in ka ruah mi le kan chim lai ding zong na ka hngalh dih cikcek ati.Kan tuah sual mi tete le kan ruah sual mi tete hna zong Bawipa nih akan hngalh dih ko hna , kan sual nak hi kan i thuh deuhdeuh poh le Bawipa lung kan tawng lo deuhdeuh ti kan i theih ahau . Kan tuah mi thil vial te hi Bawipa hmai ah cun cerhmun lai fang ah mah lawng va dir he khin alo ko .
Biadongh nak ah ni tin kan nun nak le kan lamtluan ah siseh kan tuah mi le kan ruah mi cung ah sihna seh,sual nak hi sual ah kan hmuh le kan ruah ah cun , Bawpa hmai ah thiam kan co lai I kan nun nak a hun kan zultu cu lomh nak le hna ngam nak an si ko lai ,sual zei ah kan rel lo ah cun kan tonding mi lam tluan cu lungretheih nak le ngaihchiat nak an si peng ko lai, Bawpa thlarau sin cun kan zam kho lai lo I athuh zong kan i thup kho fawn lai lo, kan nun a kan hmu dih tu kan Patian nih a bia a hrawm mi kan zapi te thlawchuah kan pek piak ko seh. Amen.