A tu hrawng cu kan lai mi chung in thih lo thawng pang chia a tam ngai ngai. Kan um nak Indiana chung hmanh ah kan hnung zerh hmu sa ah khan ruak hnih tu chun ah ruak khat kan thlah rih.Lai lei thawng pang chia le kan khri fa bu chung in a tu le a tu kan thei.
LUKA 21:34,35,36 I ralring tuah uh.Zu din sa-ei nak le khua sak tintuk harnak lawng kha ruat hlah u,cu ti nan si ahcun cu ni nih cun ruah lo pi ah rap bantuk in an foih sual hna lai.Zei cah tiah cu ni cu vuleicung i a um mi vialte hna cung ah a tlung ding mi asi.Hi a tlung hnga ding mi thil vial te hi him tein chuak lak in nan tan khawh nak hnga ,tha zang nan ngeih nak hnga le Mi Fapa hmai ah nandir khawh nak hnga ,ral ring te in um u law thla va cam zung zal ko u,tiah a ti.
Vulei cung kan paw cawm nak ah a phun phun in kan cawl kan cang I mi zei hmanh nih kan nun nak tak tak kan I khamh kho lo.Zung zal ca si lo mi kan nun nak caah caan kan pek ning le zung zal nun nak ding cah can kan pek kho lo ning hi van tuak cio hmanh uh,a cheu cu kan rian ruang ah zerh pini ni khat te hmanh pumh nak can a pe kho lo mi kan um I caan a ngei mi hmanh a pum kho lo mi kan um thiam thiam.Indiana ah ka chim cia mi ka van nolh lai;SiangPaHrang nih nu pi panga a ngeih ti a si,(1)nupi cu hawi sin chuah langh nak ah ai thit,(2) nak cu ruah nak pe tu ah ai a hman,(3) cu mi va chawnh va biak nak ah a hman ,(4) nak cu phai sa lei tlai tu ah a hman,(5) nak tu cu zei hmanh ah a hmang hua ha lo chawnh awk hmanh ah khin a rel hua ha lo I der thawm ngai te in a um ti a si .Ni khat cu SiangPaHrang pa cu a hong dam lo I a thi ding dir hmun a phan cang ,cu tik ah a nu pi le cu a khawh hna I bia a hal hna tik ah (1) nak nu pi nih ka va na si caah thlan mual tiang cu kan thlah ko lai a ti,(2) nu nih cun nang cu na thih cang lai caah hi ka leng hin cun kan zul ti lai lo ee a ti.(3)nu nih kei zong nih kan zul kho ti lo ee a ti ve ,(4) nak zong nih cu thiam thiam ,(5) A dongh nak ah a nu pi der thiang thiang te nih cun ka Bawi Pa kei cu na kal nak ah ka kal lai I na thih hnu zong ah kan zul ko lai a ti.
Hi pa (1) nak nu pi hi kan thil tha tha kan neck tie le kan suit ,hawi sin kan chuah ah thil tha kan I hruk mi (2) nak kan nu pi cu kan fim nak kan ca taang kan I bo chan mi(3) nu pi cu kan mui dawh nak kan i uan kan thlar mi(4) nu pi cu kan ngeih chiah kan chaw va ,(5) nupi cu zung zal a hmun ding mi kan thla rau a si.
Hi ka ah ka chim duh mi cu ni tin kan nun nak ah zung zal a hmun ding mi kan thla rau caah caan kan pek khawh lo ning ,a hmun lo ding mi le kan I kal pi khawh lo ding mi tu ah caan tem deuh kan pek ning hi hawi dawt ruat cio ding ah kan sawm hna.GALATI 5:16,17 Ka chim duh mi cu hihi a si: Thla rau nih nan nun ning kha lamhruai seh law nan mi nung si nak duh ning kha zul hlah u.Zeicahtiah kan mi nung sining nih a duh mi cu Thlarau nih a duh mi he khan aa ral chan.An nih pa hnih cu ral an si,cu a sullam cu,tuah na duh mi kha na tuah kho lo,ti nak an si.
Cu caah rap ban tuk in a kan bawh mi kannun nak le kan Tlarau caah ralrin nak kan herh I timh cia te in kan um a hau.Hi hi kei mah pum pak in ka chamh bau mi a si ve I a cham bau mi nan um ve ah cun PaThian nih a bia kanih khat a tha mi a um ah cun thlua chuah kan pek piak ko seh.