PATHIAN BIA

 
                         Zinghmuh chungkhar dihlak nan sin ah thawngtha I hrawm ding kan sawm hna.
Bible ka rel hlan ah bia hmaithi tawi ten. Kan thiam nak le fim nak kan tlin lo nak le kan chambau nak a kan zoh
piak lo i, dawt tlak lo a kan dawt a kan khamh ruang ah carel tu nan dih laksin ah Thawngtha bia ral tha tein ka von tial ngam ve nak asi. A chim zia le a tial zia ka thiam lai lo nan Pathin nih cathian hi thaw a chuah hnawh mi a si ko caah cathing kan rel mi hin thazang rak la cio ding ah kan sawm hna. Cathiang rel hna u sih. John 15:16 Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nanhal mi paoh cu ka pa nih an pek hna lai. Cathiang kan rel mi Pathian nih thlu kan chuah piak ko seh...A....men 

             Cathiang ah lut u si. Kan rel mi ah khan kan Bawipa Jesuh nih zul tu a thim hna i, Cu a thim
mi hna cu, a hmun ding theitha tam tlai ding a fial hna. cu bang kan nih zong a kan fial ve mi kan si. Cu theitha kan tlai kho nak ding ah cun a mah ah I peh a hau.( Jh 15:3)

1.Theitha kan tlai kho nak din caah thim mi kan si.
Thimti cu kan thei cio mi a si thleidan mi ti nak asi ko.
Tahchunh nak ah Zolo kan tuk I kawm Ci kan tuh lai ah kawm/tilai ci
tuh ding mi cu a ci kan thim ta kan thim mi cu theitha tlai seh tiah
lo ahcun kan tuh.(thim nak ah P-T nih a mittha le mittha lo in a kan
thim ti duh nak ah asi lo thim ti mi a fian nak ding ah ka lak duh mi
asi a thlei dan ka thiam piak hram u) Cu ve bantuk in kan Bawipa Jesuh
Khrih nih Zul tu a thim hna i a ti bang in kan nih zong kei mah nih
kan thim hna a kan ti ve. Cucaah cun thim mi cu theitha tam pi tlai
ding ah thim mi kan si. Pathian nih a kan thim nak cu theitha tlai ve
ding ah asi.

2.Theitha kan tlai kho nak ding ah cun a ci tuh ta le khoh ta kan hau/herh
Khawi ah em kannih hi a ci tuh/phun le cin kan asi?
Lo kan thlawh mi I kan tuh/cin tik ah kan thim mi a ci kha leithat
nak ah ka tuh/cin. ka nu nih a ra kati mi cu vauri ah khan khurkhat khur hnih in hon tuh
pah zei cah tiah zu va dar ah a ka ti theu. cu kan tuh mi cu theitha tlai ding le ei ding in kan tuh lo i kan tem
kan ei ve lo a lai vulei that nak ah kan tuh mi cu theitha a tlai I kandin kanei ve.
Chim ka duh mi cu vulei that nak thlai ci kantuh bantuk in thlarau lo vulei tthah nak ah tuh mi kan si?
A lo a tlau men ding a rawk a ral men ding ah kham kan si loh!kan nun
I chek hna usi khawi in em kan khoh nak asi?(phundang in kan chim
ahcun kan Bawipa Jesuh khrih nih a kan kham nak le a kan thim a kan
tuh nak kan khoh nak cu a mah chung ah tuh i a mah chung ah I peh
lawng ah theitha a tlai kho ding kan si)

3. Theitha kan tlai kho nak ding ah cun kan chim cia bang in tuh le
cin kan si nak hmun kha zoh a hau/herh tahchunh nak kan lak cangmi kha
ka peh than lai. lo pakhat chung ah thlai kan cin tik ah a cheu cu an
tha khun I tam khun an tlai i an voi. A cheu cu an chia na tein an
kung rup te in an tlai an voi ve. Cun a cheu ve cu an kung cu a tha
tuk ko na te in a theipar a tha lo I ei awk tlak an si lo cun a cheu
cu an no lio an kung le an hnah cu an tha an hninghno tuk ko nan thei
an tlai lo i cu hna cu nam tong in kan vat kan thah hna. Cu ban tuk in
kan nih Zumtu nu le pa u le nau hna. lo pakhat chung um kan si ve i Zei
theitha dah kan tlai mi asi? a tlai lo mi tla kan si sual hnga
maw?phawi le hlawnh awk men ah kan I cang sual hnga maw? Kan kung le
kan hnah lawng a hninghno mi le a thei a tlai lo mi kan si sual hnga
maw? Kan nun I chek cio hna u si. Khawi ah em kan I peh khawi in em
kan khoh! Ka nu nih a ra ka chim mi pakhat cu fang nih cun zei tluk in a kung a
chiat hmah ah fui lo le voi lo ai nautat ara ka ti. Cu ve ban tuk in
kan mah le kan ti khawh tawk cio in thlarau thei tha tlai ve ding ah
kan Jesuh ah peh ve hna usih.

        Thlarau theitha kan tlai khawh ve nak ding ah thawngtha a rel mi kan
dih lak Pathian nih thluachuah kan pek piak ko seh.
 
Lawmh nak tampi he.
Van Duh pa
Kualampur, Malaysia
Hone / 0107716353