KANMAH CHIATTER AWK CAAH SILO IN THATTER AWK CAAH PATHIAN NIH HNEKSAKNAK CU NAWL A PEK.

            
                Timote 3:1 Ni hmahnung bik kha an phak tik ah harnak caan a si lai ti kha philh hlah. Jesuh na zumh ah cun na harnak ah an bomh lai i na nun chung cu t'hawnnak le remdeihnak he nuam ngai in na um lai tiah a ho tel nih an nin chim bal maw? A rian t'uan piaktu minung hna caah Pathian nih cu bantuk lam cu a khan ah cun Paul a harnak vialte kha zeidah an si kun?


                Alung a thlen hnu cun Pathian kha a daw i a upat ngaingai mi zumtu t'ha a si na in harnak tampi a ton, amah cu vawlei cung siangbawi minthang bik hna lak ah atelmi a si. Asi ah Pathian a upat ruangah zei dah a miaknak a hmuh ti ah cun vual cikcek in an tuk an tlaih, Ti ah paam dengmang in khuapi chung in a zaam. Thong an thlak cu ti cun Paul cu Khrih ruangah temh innak a tuar. Paul nih thongin chungin Khrih ca riant'uan tu nan si tikah a zumh lei lawng hin silo in a ca i temh innak hmuh ding zong hi a si chih tiah, Philipi 1:29 aha kan cawnpiak. Paul bia hi Jesuh ca nun ruangi harnak hremnak a thongmi vawlei cung a nungmi hna caah thazang petu t'ha a si zung zal.

                 Cu lawng a si rih lo. AD-64 hrawngah hi vawlei cungah hin Martyi (Witnesses) in nun petu mitampi an rak um. Fifth century hrawngah ( ten mjor) Rome khuapi uktu Bawi cu minung Pahra an rak chuak i cu hna nih cun Church kip i a ummi zumtu cu an hrem hna. hiti hin hrem an si. (Acient Rome perscution) 1. Dorothy le chungkhar cucu Rome Cozah nih cun Khrihfa an si ruangah an lu an tan hna. 2 . Euphemia cu saram thongin chungah an thlak i cuticun saram nih cun an suk i a nunnak cu Khrih ruangah a liam ve. 3. Florian zong zumtu a si men ah a hmuh mi cu a hngawng ah lungtum ah thleih i cuti cun ti chungah an thlak i a nunak a liam ve. 4. Vitus cu sesel an toih i a tu in fungin an sawh i Rome Temple pawngah an van. 5. Eulalia kum 12 nute cu thiarfung an linh mi in a ruh vialte man dih in an tuk i cu hnu ah cun a hmai zong mei in an khangh i cuti cun a nungak cu a Khrih ruangah a liam ve.

                      Hi tihin hlan lio zumtu cheukhat hna cu Khrih caah nun an rak pek i an nunnak a liam. Mi cheu cu fei le nam in an thi. Zaangfahnak ngei lo in sahrang bang Jesuh min ruanah zumtu kan hawidawt hna cu tuk le thahnak in martyr in an nun an pek. Cu lio ah ruak fimtu hmanh an ngei lo. Van i a zuangmi rawl ah khin an i cang. Nihin zumtu nang le kei teh Jesuh caah nunak pek kan ngamh ve maw? Jesuh lamkaltu hna nih an thisen an pek mi nih nihin ah nang le kei sin zong ah bia a chim ve. nang le kei nih teh Jesuh cu ka nunnak na ta a si tiah kan ti ngam ve lai  maw?

                      Nihin Jesuh keneh zulh in Pathian rian t'uantu hawidawt vialte hna, nan tuar innak hi a fak ko lai sihmanhsehlaw, zum lotu hna caah le Khrih a cohlang lomi hna caah nunnak a si ah cun nan tuar in mi ah hin i lawm ko u. Pathian nih nan tuar innak kha a van cungmi rel cawklo he an relpiak ko hna. Culawng silo. Joseph, Piter,Job, Abraham, Danial hna kha zoh hna hmanh u sih. An zapi in Pathian a upat ngaingai mi an si. Asinain ton dingah kan ruah ngamlo mi harnak le t'ih a nungmi an ton hna. Pathian thil ser ning ah hin harsatnak nih zei maw ti in apennak le a timhnak kha hmai lei a fonter khawh ko. Thil um tuning zeitin a si hmanh ah kan rian cu Pathian thangt'hat kha a si. Mah cu kan tuah ah cun kan i tinhmi a hmanung bik a simi i dinhnak ca le vancung khua i laksawng coawk caah kan kal lio ah Khrih ruangah kan intuar mi nih midang kha khamhbawi sin ah lam a hruai khawh hna lai.

                   Lamkaltu t'ha kan si awk ah Pathian nih hneksaknak kha a vun thlah hna. Asinain teitu taktak kan sinak cu nunnak caah kan i zuam lio ah a bia kan ngai, kanmah chiatter awk caah si lo in, T'hatter awk caah Pathian nih hneksaknak cu nawl a pek. Cucaah a hme siseh a ngan siseh Jesuh ruangah kan tuar mi harnak hi a tuar ingtu fanu fapa kan caah lomhnak a si te lai. A men A tha mi um cun Bawipa nih Thlua kan chuahpiak ko seh.

                  Blessed are you when men hate you when they exclude you and insult you and reject your name as evil, because of the son of man Rejoice in that day and leap for joy, because great is your reward in Heven.

                    Nan hawi,

                    T'uan Khar

               New Delhi, India