MARA CHIN

                  Mara miphun(clan) hi Lusei pawl nih 'Lakher' an ti hna. Hakha-Thantlang-Falam nih 'Miram" kan ti hna i micheu nih 'Lia' tiah a timi hna zong an um. Lia timi cu an mah nih an rak i auhnak asi i Lai tinak asi. Khu-mi le Arakanese pawl nihcun 'Shandus' an ti ve hna. A tu mizoram um Lakher upa pawl minung(80) cu 1963 October 10 ni ahkhan Chimtuipui District Zawngling khua ah tonceihnak (meeting) an ngei i  Kan miphun min Lakher hi "Mara" ah kan thlen lai tiah bia chahnak an ngei. Curuangah 1978 kum thawkin Mizoram Official pawl nih Lakher ai-ah Mara tiah thlen dih asi i Lakher Pioneer Mission timi zong "Independent Church Of Maraland" tiah an thlen colh ve ti asi. Lt.Col.Shakespear nih 1891 Febuary 10 ni a tialmi Diary le Mara miphun sin missionary hmasabik R.A.Lorrian tial ningah a tu Mara pawl Hakha khua pawng le Thantlang khua pawng an rak um lio ahcun Lai an rak iti ve ko nain Vuangtu hmun hrawng an hung um AD.1690-1700 lio ah Hakha le Thantlang cu an tthawngttha ngai cang i an kan chiim sual tikah ral humhim tu le kilhkamh tu kan herh cang timi lungthin a ngeih caah Thantlang khuabawi Hlawnching phun fapa tlangval (Al Kheng) cu bawi ter dingah an va hruailaak.  A tu mara phun min Mathipi le Hnaihly nih an va hruailaak caah "Mara hlycho - Mara hlawnching" tiah an auh hna i Mara min a put lan nak asi an ti. Mara tuanbia ngelfet deuh in a sulhhlat tu N.E.Parry nihcun Lai-mara tiah a tial hna. Mara chungah hrinphun min (sub clan) in Capi, Dova, Ngiaphia, Hawthai, Heima, Iabao, Khapi, Laita, Lialai, Locei, Motu, Ratu, Razao, Saby, Thay, Tlosai le zyhno tiah an um. Mara mi lu relnak hi 1911 kum ah India ram um vial lawng an rel hna i (3647) an si i, 1930 kum ah India ram le Burma ram um mara miphun fawnh ah (10000) an si lai tiah an rak tuak hna nain 1961 kum ah cun mizoram mara lawng hmanh ah (8790) an si cang. 1954 kum mizoram nih phunbawi a rak baan ter hna lio ahkhan minung (33) chungin mi(22) cu an tla i mi(11) lawng mang(Chief) ah pawm an si an ti.
 
Cherchan- INDIA&BURMA&BANGLADESH-A, P.111-114#
                                                                                    
                                                                   BRONO KHUK HEI