Halam miphun(clan) hi mitam deuh nih "Mila-kuki" an ti hna i Kuki pawl nih "Ranglong" an ti ve hna. India Tripurra 'Raja=Siangpahrang OmarManikya chan (AD.1584-1586) hlan in hi Tripuraram hmun ah khua an sa diam cang ti asi. Raja 'or' Siangpahrang nih Halam tiah min an bunh hna ruangah tu-chun ni tiang auh lan an si. Halam miphun chungah Hrinphun min(sub clan)(15) hrawng an um i Bawng, Bawngcer, Dap, Rupini, Hmarcaphang, Hrangkhawl, Kaihpeng, Kawlawi, Kawrbawng, Langkai, Langrawng, Mualthuam, Saihmar, Sakecep le Thanga-cep hna an si. An phunmin(sub-sub clan) incun theih cawk an si lo nak cu Faphir hmanh an phun min aa dangmi an um i "Phun tun" an uar tuk caah sulhhlat an har khun tuk ti an si. An Pipu tuanbia ahcun India-Manipur chaklei um 'Khurpuilabum' in kan sem an ti nain Kabaw valley an rak um lio tuanbia cu an ngei ve thotho. Raja nih Tripurra um tlang mi chungin Kuki le Halam tiah a rak thennak hna hi sullam te a um ve, Halam miphun nih Khuazing=Pathian(God) an ngeih lo pin ah Phunbawi=Mang(Chief) an ngei lo. Cucu Raja nih an biak dingah " khuhlu thing in sermi *Lim* a pek hna i an mah Uk tu dingah *Sordar* timi bawimin a pek hna. 1951 kum ah Halam miphun milu relnak an tuah i 1644 lawng rel khawh mi an si. 1961 kum ah (ID) tuah piaknak in an milu an rel than hna cu cathiam an tlawm ning an hmuh hna. Mah min tial a thiam mi an um set lo ti asi. 1981 kum ah minung 28970 hrawng an si ve cang i sifak le harfe an tam tuk tiah record ah an tial hna. Din-ei a chia taktak mi miphun an si i miphun dang nungak an thit khawh hna lo pin ah an chan zong a tawi khun ko hi ta tiah an ti hna. A chan sau deuhmi kum(50) cungcuang nu-tar pa-tar hmuh awk an tlawm tuk pin ah tlangval titsa-tha an um tuk lo an ti hna. An nungak pawl zong pe(5") cungkai minung an tlawm te ti asi. 1987 kum lio ah Halam miphun chungin Kristian(373) an um kho ve cang ti asi.