Zinghmuhtlang nih lunglawm tein kan in don Zinghmuhtlang Website ah na kan len caah lunglawmhnak chimcawk lo kan ngei, Bawipa nih thlachuah letza in pe ko seh. Mah Website kan tuah mi cu kan khua kan ram philhlonak ah le, Khua mi pakhat le pakhat i pehtlaihnak ah kan tuah mi Website a si.
ZINGHMUHTLANG WEBSITE HOLH LE CA KAN TIAL NING
Chuncung khua nih Zinghmuhtlang website chungah ca kan tial ning le holh kan hman ning hi ca-rel-tu tampi nih sawiselnak a um kho mi thil a si caah na theihthiam ding cu - Laica tial ningcang kong he aa pehtlai in Workshop, Training le Seminar tbt zong a ngei bal mi kan si lo i CACC ruahning le pawmning zong a thei mi kan si fawn lo. Laica an tial mi tete, banhphanh kho tawk chung kan rel hnihkhat ah Article, Sermon, Tuanbia, Lenhlawi, Biazai, Authawng le kan Lai ( Pengtlang Groups Mail ) in Cauk Lianpipi tiang zongah an mah le an duh ning in an tial cio ko hih. Laimi zapi ca tial, kan iruan khawhnak tiah tahnak an ser mi cauk zong a va um ko lai na-in kan ngeih ve fawn lo tikah 'LAI BIBLE ' tial ning hi kan izohchunh deuh mi asi. Website chung catial kan ti cu 'a hran' rel piak tu zong kan kawl thiam hna lo i Lai holh an hrawh!.. rak kan ti citcet lo te'n 'Holh' an i harh deuh hita tiah ruahthiam piak nak he rak rel dingah kan in nawl hna.Ca tial a har pahnak cu ( ma/mei/maw -cikcin/celngel/bawnbawk- ai/nai/kai/aa ) tbt ahhin Chuncung holh lawngte hman asi i thangthar kan naule tete nih Hakha ah tlawmpal an um cun an chim tikah a lutaw aa tet in an chim i an tial tikah awlok an chong tawn. Kan i fian ko ahcun a zako ti asi rua ..a biapi rua lo an ti.Bible tam deuh a rel mi cu catial - biachim an hman deuh ko lai.Lai bible tampi na rel ahcun taksa fimnak, thlarau fimnak he Pathian bia na cawn asi i "kan Lai holh pakka an ti mi Chuncung holh zong na thiam chih lai. Cuticun kan ca le kan holh Kilvengtu a dirkamhtu na si lai.