Mah miphun a si lomi he i Thit-um hi zeitin?
Biahmaithi
Vawleicung thil sining nih a kalpi bantuk in miphun dang sinah
a pemmi le khua sami kan tam cang caah, hmailei ah kan pawngkam i
miphun dang pawl he zong kan vai duh/uar te khomen va si kaw, miphun
dang he vai thit-um hi a palh tiah maw nan ruat, a poi lo tiah dah nan
ruat cio?
Bible Cawnpiaknak
Biakam hlun chan lioah Pathian nih Israel miphun pawl cu
miphun dang pawl he i thit-um lo dingah bia a rak tiam hnai, "
annih(miphun dang) he nan i thi-um lai lo, an fapa hna kha nan fanu
hna cu nan pe hna lai lo, an fanu hna zong nan fapa hna caah nan la
fawn hna lai lo. zeitintiah nan fapa le hi pathian dang biak awkah
keimah zulhnak hin an pialter sual hna lai" (Deuteronomy 7:3-4). A
ruang cu miphun dang an si ruang kherkher ah si loin hi miphun dang
pawl hi siasal biami an rak si ruang tuah a si. Jesuh Khrih hringsortu
lakah ai tel vemi Rahab le Ruth zong kha ramdangmi an rak si ko nan an
zumhnak ruangah Isarel miphun nih an rak cohlan ko hnai.
Biakam thar zongah miphun dang he vai thi-um hlah uh timi
nawlbia cu a um lo nan, " a zum lomi hna he i fonh cetcut tuk in ruan
tuan ti hlah u; cucu a si kho lomi thil a si. Zeitin dah a dingmi thil
le a ding lomi thil cu hawikom an si khawh lai?..(2Korin 6:14) " ti
bel a um.
Cuicaah, Biakam hlun chungin siseh Biakam thar chungin siseh
kan caah miphun dang he i thit-umh a palhnak cacaang sawh awk kan ngei
lo. Asinain zumtu nih zumlotu `hit-vaat hrimhrim lo ding timi nawlbia
tuk hi cu Bible cawnpiaknak asi. Cu asi caah, mino nih nupi/pasal kan
kawl tikah zei miphun, a vun a cuar zei rawng(color) timi hnakin kan
biaknak ai khat maw timi hi pakhatnak ah zoh dingah Bible nih a kan
cawnpiakmi a si.
Ruah awk dang
Cuti ka ti tikah miphun dang he i thit-um hi tha ka pek tuk
tinak si loin, khatlei khel ah ruah awk tampi cu a rak um ve. Biaknak
le zumhnak ai khah ko zongah miphun dang he ai thi-um mi chungkhar ah
nunphung, ziaza, biachim holhrel, eidin, thil puan fenh-eih kongah i
theih thiam lonak tete a chuak kho lengah rualchan cingla karlak
zongah i hmuh thiam lonak tete a chuak khomi thil tampi a um. Cuicaah,
hitilei khel in von ruat ah cun miphun dang he i thit-um hnakcun
nunphung, holh le lungput ai nai deuhmi mah miphun i thit-umh hi that
deuh suaumau dawh a si (a tha deuh hrimhrim ko ti bel ka ti ngam ve
lo, minung zawnzam cu ho nih dah a hngalh!)
Biadonghnak
Bible leikap in kan cuanh ahcun vawleicung minung hi phunhnih
lawng kan um: Pathian fa le Satan fa. Pathian fale nih Satan fale he i
thit-umh cu Bible nih a kan thlauh.
Cun chungkhar khuasaknak leiin cuanh ahcun miphun dang he i thit-umh
hnakin mah miphun he i thit-um hi that deuh le sia rem deuh suaumau
dawh a si. Asinain, minung thinlung chungin a chuakmi duhdawtnak hi ri
khiah awk a thami a si lo caah, miphun dang he vai duh le vai `hit-um
zong cu Bible ningah cun, biaknak ai khah ko ahcun, sual a si tiah ti
awk cu that hrimhrim lo. Cuicaah miphun dang he i thit-umh hi a sual
ee a dik ee timi ah si loin, Pathian nih a kan pekmi fimnak le
tuaktaannak nih a hun chuahpimi duhthimnak cung tukah ai hngatmi a si.
Hmaizahnak he
Biak C. Thang
Asian Christian Academy
Tamilnadu State, India
Vawleicung thil sining nih a kalpi bantuk in miphun dang sinah
a pemmi le khua sami kan tam cang caah, hmailei ah kan pawngkam i
miphun dang pawl he zong kan vai duh/uar te khomen va si kaw, miphun
dang he vai thit-um hi a palh tiah maw nan ruat, a poi lo tiah dah nan
ruat cio?
Bible Cawnpiaknak
Biakam hlun chan lioah Pathian nih Israel miphun pawl cu
miphun dang pawl he i thit-um lo dingah bia a rak tiam hnai, "
annih(miphun dang) he nan i thi-um lai lo, an fapa hna kha nan fanu
hna cu nan pe hna lai lo, an fanu hna zong nan fapa hna caah nan la
fawn hna lai lo. zeitintiah nan fapa le hi pathian dang biak awkah
keimah zulhnak hin an pialter sual hna lai" (Deuteronomy 7:3-4). A
ruang cu miphun dang an si ruang kherkher ah si loin hi miphun dang
pawl hi siasal biami an rak si ruang tuah a si. Jesuh Khrih hringsortu
lakah ai tel vemi Rahab le Ruth zong kha ramdangmi an rak si ko nan an
zumhnak ruangah Isarel miphun nih an rak cohlan ko hnai.
Biakam thar zongah miphun dang he vai thi-um hlah uh timi
nawlbia cu a um lo nan, " a zum lomi hna he i fonh cetcut tuk in ruan
tuan ti hlah u; cucu a si kho lomi thil a si. Zeitin dah a dingmi thil
le a ding lomi thil cu hawikom an si khawh lai?..(2Korin 6:14) " ti
bel a um.
Cuicaah, Biakam hlun chungin siseh Biakam thar chungin siseh
kan caah miphun dang he i thit-umh a palhnak cacaang sawh awk kan ngei
lo. Asinain zumtu nih zumlotu `hit-vaat hrimhrim lo ding timi nawlbia
tuk hi cu Bible cawnpiaknak asi. Cu asi caah, mino nih nupi/pasal kan
kawl tikah zei miphun, a vun a cuar zei rawng(color) timi hnakin kan
biaknak ai khat maw timi hi pakhatnak ah zoh dingah Bible nih a kan
cawnpiakmi a si.
Ruah awk dang
Cuti ka ti tikah miphun dang he i thit-um hi tha ka pek tuk
tinak si loin, khatlei khel ah ruah awk tampi cu a rak um ve. Biaknak
le zumhnak ai khah ko zongah miphun dang he ai thi-um mi chungkhar ah
nunphung, ziaza, biachim holhrel, eidin, thil puan fenh-eih kongah i
theih thiam lonak tete a chuak kho lengah rualchan cingla karlak
zongah i hmuh thiam lonak tete a chuak khomi thil tampi a um. Cuicaah,
hitilei khel in von ruat ah cun miphun dang he i thit-um hnakcun
nunphung, holh le lungput ai nai deuhmi mah miphun i thit-umh hi that
deuh suaumau dawh a si (a tha deuh hrimhrim ko ti bel ka ti ngam ve
lo, minung zawnzam cu ho nih dah a hngalh!)
Biadonghnak
Bible leikap in kan cuanh ahcun vawleicung minung hi phunhnih
lawng kan um: Pathian fa le Satan fa. Pathian fale nih Satan fale he i
thit-umh cu Bible nih a kan thlauh.
Cun chungkhar khuasaknak leiin cuanh ahcun miphun dang he i thit-umh
hnakin mah miphun he i thit-um hi that deuh le sia rem deuh suaumau
dawh a si. Asinain, minung thinlung chungin a chuakmi duhdawtnak hi ri
khiah awk a thami a si lo caah, miphun dang he vai duh le vai `hit-um
zong cu Bible ningah cun, biaknak ai khah ko ahcun, sual a si tiah ti
awk cu that hrimhrim lo. Cuicaah miphun dang he i thit-umh hi a sual
ee a dik ee timi ah si loin, Pathian nih a kan pekmi fimnak le
tuaktaannak nih a hun chuahpimi duhthimnak cung tukah ai hngatmi a si.
Hmaizahnak he
Biak C. Thang
Asian Christian Academy
Tamilnadu State, India
