Caanttha ka hmuh caah ka lawm.Johan 3;5.le Johan 15;12 mah hi i hrawm hna u sih.tiah kan sawm hna.
Johan 3;5 chngah Jesuh nih Nikodemu cu, Biatak kan chimh! Ti le thlarau in hrin a si lomi cu, PaThian pennak chungah aho hmanh an lut kho lai lo a ti.cucaah tipilnak cu a hau.Cu tipil kan innak cun, Kri chungah Thlaurau in hrinmi cu kan si.Khamhnak a cotu,khamhmi cu kan si.Tipil kan in hnu cun,Kri nunnak kha kan ngei cang i, cu nunnak a tthatnak vialte zong kan co,kan hmuh khawh cang lai.Kri nih,Keimah cu annih nih nunnak kha a tampi in an ngeihnak hnga caahka ra a ti.aho hmanh timi biafang hi ruat hmanh.ngakchia upa e; pianthar lo i tipil in cu ti dawh a si lo;.Vulei cung i a tthu dirmi poh aho hmanh timi cu,minung paohpaoh hi kan si ko hnga lo maw?
Khamhnak tuanbia cu,Pathian hawikawmhnak kha thlau in, hmuhtthan kha asi. Pathian nunnak kan rak thlaumi kha Kri thawngin kan hmuh tthan,Nifate missa chungah Tukhal Tlangbawi hna nih ti kha tlawmte a lak i, mitsur hang he a cawh.A cawh lio ah, Hi ti le mitsur hang an i cawhnak biathuk hin, kan mah minung cannak a hrawm duhtu, Bawipa nih a mah Pathian cannak kha kan hrawmh ve ko seh ti hi asi.Miding menmen si awk a si lo.Pathian sinak hrim kha hrawm in, mithiang si awk kan si.Jesuh nih, minung sinak a von lak tikah amah cuThiangthlarau tthawnnak in a pawi i, ngaknu thiangMary nih a hrin.Kri cu Thlarau in minung sinak a lak i hrin a si caah cung lei in hrin tthan a si lomi cu, Pathian pennak chungah aho hmanh an alut kho lai lo a tinak a si. Jesuh Thlarau in, minung cannak a rak lak caah a mah chungah tipil a ingmi hna cu, Thlarau in hrintthan a si cang i, a mah Pathian sinak kha a hrawmh hna.Cun Pa le Fapa le Thiangthlarau min in .Tipil kan in tikah cung lei in hrinmi cu kan si i, Pathianfa ah kan cang.Cuticun tipil kan in cangka Kri ah Hrintthanmi cu kan si i,Kri nih a kan pekmi nunnak cu kan ngei.Kri thlarau cu kan ngei cang.
JOHAN 15;12 HI ZOHTTHAN HNA U
KEIMAH KAN DAWT HNA BANTUK IN PAKHAT LE KHAT I DAW VE U
Tipil innak thawngin Bawi Jesuh he pumkhat kan si i,amahnih a kan dawt bantuk in, i daw veding in a nawlbia kha kan zulh.Pathian a kan dawtnak hi midang hna cung zongah cheuhbauh awk asi
Zeitin dah kan dawt hna lai?
Kan dawttuk timi biafang hi kan chim tawn.Dawtnak hi phunthum in kan zoh hna lai.Pakhatnak cu;Kandawttuk.....ah cun ,timi dawtnak asi.Mah bantuk dawtnak cu thil sining ruang i, a chuakmi dawtnak asi. Mah caah duhnak le pakhatkhat ngahding ah ruahchannak cung i, a chuakmi dawtnak phun a si.
Pahnihnak cu;Kan dawttuk........ruangah timi dawtnak a si.hi bantuk dawtnak cu uarnak a siloah thinlung lak khawhnak in, a chuakmi dawtnak phun a si.Muisam dawtnak,thilri rumnak le lungthinttha umtu ziaza ttha hna cungin, a chuakmi dawtnak phun a si.
Pathumnak cu;kan dawttuk.........hmanhah timi dawtnak asi.Mahbantuk dawtnak cu inung si tein dsawtmi a si.Aho a si ah,zeibantuk minung a si hmanhah keimah bantuk minung a si ve timi ruahnak le Pathian dawtnak hngalhin a chuakmi dawtnak phun a si.
Kan sual ko hmanhah,kan palh ko hmanhah,amah duhning tlukin kan thangtthat kawh lo hmanhah,Pathian nih a kan dawt tthiamtthiam ko.Pathian nih aho kan si ah,zeibantuk minung kan si hmanhah kan sining tein a kan dawt.Pathian nih a kan dawtnak cu thlaidannak a um lo.mivialte a kan dawt dih.misual le mithiang hna cung dawtnak a khat.
Pathian zeitindah kan dawt? Cun,minu,mipa innpa hna le Pathian nih minung sinak a pek mi hna minung dang hna cungah zeitindah kan dawt hna? ' Ka lawm