Bawipa lei ah ttang hna u sih 

    
                                   Zinghmuhtlang hawi kom dawt vial te hna a hmu sa bik ah kan biak mi kan Pa Thian a min thang tthat si ko seh. Tu zarh thawng ttha chim nan ka thiah mi kha ka philh lo, a si na in ka can ai rel rem lo ruang ah ka rak thlah khawh lo nak a si. Kan komputer a rawk i kan dung zarh chung kha mial zong ka kau kho lo, zarh te,zarh pi tal ah ka ttial lai ka ti ii Danmark ah kan khrihfabu mino dih lak in gospel kan kal fawn. Ni hin ca cawn ni hnih ni lawng ah kan komputer cu an kan tuah piak khawh i zei dang thawng pang ka rel hlan ah can hman khawh ka vun i zuam, a tlai ngai cang ko na in can tolh cu ka sia a rem hrim lo. Thawng ttha lei tu ah lut colh hna u si.
                
             Baibel ca kai thim mi cu Exodus 32.26 chung ta hi a si. Vun rel colh hna u sih. Cu caah Moses cu riah hmun kut ka ah khan a dir i, A ho dah Bawipa lei ttang nan si, Bawipa lei i a ttang mi cu hi ka ah hin ra u, tiah a au.Levi mi vial te cu a sin ah khan an i pum i, ti mi hi kai thim duh mi cu a si.

                             Kan tlang tar awk ah ka duh mi cu Bawipa lei ah ttang hna u sih. ti hi a si.

Pathian nih Israel mi hna cu zei tluk in dah a dawt hna ti cu vu lei cung holh vial te hmanh in chim cawk lo le chim khawh lo ding tiang in a dawt hna, Exodus  13.21 chung ah kan hmuh mi cu chun ah bawipa cu  an hmai ah min mei tom in an nih kha lam hmuh sak awk ah a kal i zan ah an hmai ah mei tom in  an nih kha ceu nak pek awk ah a kal , cu caah cun, zan zong ah chun zong ah an kal kho. Dawt mi u le nau hna, cu  tluk i a  dawt mi Israel mi phun hna cu a mah Pathian lei i a ttang lo mi poh cu Pathian nih a hrawh hna ti cu, Exodus 32.27 chung ah fiang te in kan hmuh. 


            Cu caah Zinghmuhtlang hawi kom dawt vial te hna kan dih lak in Bawipa lei ah ttang hna u sih tiah kan sawm hna. A ho dah Bawipa lei ah a ttang lai,,,,,,,,,,,,,,,,----- Kan dung lei hrawng kan khua bia ruah nak ah mi fim, mi thiam, kan um lo, mi ngei le mi rum zong kan um lo, mi khua dang ban tuk in bo chan ding zong kan ngei lo tiah kan chim leng mang mi kha, a tu cu Pathian i bo chan cang hna u sih law cun kan mah khua le kan mah khua hi i bo chan cang hna u sih tiah kan sawm chih hna, kan mah khua le kan mah khua kan i bo chan ah cun....khua dang zong nih an kan bo chan ko lai. Bawipa nih nang le kei a kan hrawh nak hnga lo Bawipa lei ah kan dih lak in ttang hna u sih. tam deuh in ttial ka duh na in kan komputer a ttha tuk rih lo ii hi vial in za rih seh. kai lawm tuk nan za ten mang ttha uh..............A ttha mi a um ah cun Pathian nih thla chuah kan pek piak ko seh. Amen
    
  
     Hrang Thuam 
          Norway