Dawtmi u le nau hna kan Baibol thim mi chung ah kan hmuh ban tuk in kan Bawipa Jesuh nih lung khat te um le lungrual te um le, i dawt i krih ah pumkhat si hi a kan fial. Catial thiam mithang Augustine ca tial mi ahcun biak nak poh ah a herh bik mi cu.(1) Toidawr nak (2) Toidawr nak (3) Toidawr nak thiamthiam asi a ti.
U le nau hna Isaiah nih "Nang cu um ser tu na si i kei cu tlak ka si ati .Cu ve bantuk in keicu tlak vawilei menmen kasi caah nangmah ser chawm hau mi kasi , micham bau ka si, keimah ten zeihmanh tuah kho mi ka nei lo tiin amah Pathian hmaiah toidawr nak lungput neih a herh.
U le nau hna Johan 17:11B chungah kan kanrel bantuk in Jesuh nih" A thiang mi kapa nangmah le keimah cu pumkhat kansi bantuk in pakhat an si khawh ve nak hnga na ka pekmi hna cu namin thawnnak in huppheng ko hna" ati.U le nau hna pakhat pumkhat sinak ding ah thlarau lei in kan ti ahcun krih a kan tlanhnak cohlan(pianthar) hmusa a hau i minung kan si bantuk in hi vawlei ah kan i pumkhat,pakhat nak ding ah cun lung i rual a herh,cu lung rualnak ding ah cun a herh mi cu toidawr nak,michan bau kasi, hi vawlei cungah tlamtling dihmi kan um lo tihi theih fian ahau, a herh. Mi chambau kasi timi lungput neihhi minung pakhat le pakhat i pehtlaihnak, i chawnh biaknak, i hawikawmhnak, tbk ah a herh bik mi asi bantukin tthanchonak zawng ah a herh bik mi asi fawn.
Mi chambau kasi ti lungput a nei mi nih cun midang thilhmuh ning le ruah ning zawngkha an upat zungzal.Zeiruang ah minung nih thil hi theihkhawh dih phung asi lo chamhbaunak hi aum zungzal.Mifim pa pakhat nihcun " ka fimnak hi zeihmanh ka hngal lo ti ka hngalhnak hi asi ati ti asi.Kan Baibol chung ah Paul nun nak kan zohtik ah Paul nih" keicu lamkaltu vial te hna lak ah nau ta bik kasi"(1kor 15:9) " keicu mi sual bik kasi"(1Timote 1:15)"Kei cu Pathian mi hna lak ah a hme bik mi nak hmanh in a hme deuh mi kasi"(Efisa3:9) Paul nun nak kan zoh tik ah hawinak in ka thiam deuh kan sang deuh kan rum deuh ati bal lo a niam bik ah ai chia i mitang ah a dawr toidawr nak lung put a nei zung zal. Mi nak in mi chambau ka si tiin toidawr nak lungput neih hi zuntu diktak dirhmuh cu asi mimak in kafim deuh; ka thei deuh ka rm deuh ka thawng deuh timi lungput kanneih chungpoh cu pumkhat si nak a har rih ko lai.Lungrual nak, pumkhat si nak ding ah bawmtu ttha bik le a herh bik mi cu midang duh nak ruah nak hmuh thiam hi asi asi lo ah mah duh nak lawngruat lo in mi duh nak hrawm thiam hi asi. U le nau hna nang mi duh nak na hrawm kho maw?
Kan Baibol thim mi chung ah kan hmuh ban tuk in lungthin khat, lungrual nak, dawtnak neih, pumpak thangthat nak lawng kawl lo, miduh nak hmuh thiam le kan lungput a mah krih lungput si ding hi krih nih akan duh piak mi asi caah zumtu pakhat dik tak nih cun hi lung put hi kan neih din asi.
Asi ah Zumtu U le nau hna kan lung put ah krih lungput asi maw? Toidawr nak kan nei maw? kan mah duh nak lawng kan ruat sual maw? mi duh ning kan hmu thiam maw?pumpak that nak lawng kan kawl sual maw? Nitin kan nun nak ah kan mah te cio in i chek than hna u sih ti kan sawm hna. U le nau hna Toidawr nak dawtnak nih lungrual nak achuah pi i lungrual nak nih tainak a hmuh zungzal" amen!!!!!