" Bawipa na Pathian cu na lungthin dihlak le na ruahnak dihlak le na nunnak dihlak in na dawt lai."

                         
                                     Thawng ttha chim ding nan ka thiah caah tam pi kaa lawm. Thawngttha hun ttial ding ka si hi ka theih a tlai caah
 a kar lak ah caan ka ngei ti lo ii tlawmpal te lawng in ka hun ttial lai... 

             Tlangtar: Matthai 22:37
                                     Cu chung ah nan nunnak dihlak in na dawt lai ti mi hi char ka duh. Zarhkhat chung ah nazi 168 kan ngei ii kan ih caan hi nazi 56 hrawng a si. Cun kan ii pumh caan le kan thlacam caan hi nazi 4 hrawng lawng a si ... Nazi 108 hrawng hi kan duhherh le kan rian ttuan caan a si...Cu caah cu nazi 108 chung ah hin zei tin dah Pathian kan thang tthat tawn ti mi hi ruah ka duh. A cheu nih cun internet chung in pakhat le pakhat ii dohnak, mi kongceih, zuudin, mi he ii sik, mi cung ah hngahchuah nak, thintawinak, tbk ah khan caan kan hman ttheu tawn. Cu caah  forhfial kan duh mi hna cu Jesuh nih a kan cawnpiak ban tuk in dawtnak, toidornak, tthatnak kha tuah khawh chung in tuah ding kha a si khawh chung in kan ii zuam ah cun kan nunnak tak tak nih Bawipa kan thangtthat kha a si hnga. Salm 37: 3 ah cun Bawipa kha ii bochan law tthatnak kha tuah uh a ti ban tuk in nifatin kan nunnak ah Bawipa duhnak in kan nun a si ah cun kan nunnak dihlak in Bawipa kha kan dawt a si hnga. Cu caah cuncu ban tuk nunram hi ngei khawh cio ding in kan sawm hna. 

Lawmhnak he
Zingte pa
Dallas, TX