Nan sining te bang ka sin ah ra ko uh

            
              Mathai 11:28 Reithei  le thilrit mi vialte hna ka sin ah ra tuah uh dinhnak kan pek hna lai. 
            
               Voikhat cu ka hawikom thabik cu acozah sualphawt nak  a tong i holhleh piak ding in zung ah zulh ding kasi. Biaceihnak zung cu professional enviroment asi caah ka suit le neck tie kai hruk ii ka kal. Zung ahcun ka thu ii sualphawtnak tong in biaceih ding mi cu an tam ko . Pakhat hnu pakhat biaceihnak theng cung ah an dir ii biaceih tu ( Judge) nih an sual man tuar cio ding in bia a chah cio hna. Cu lio ah Jesuh hi biaceihtu sisehlaw zeitin dah a ti hna hna ti ka ruat. A sual lio ah an tlaih mi,lung in an cheh hnik mi nu cu Jesuh nih na sual lo tiah a ban in a rak thawh.         

              Biakinn pakhat ah kai pum tawn i cu biakinn ahcun thawngtha chim cu ka ngaih tawn .Phungchimtu pakhat a hun dir i pulpit cung ahcun Biakinn ah mi sualnak,mi cung ah lungtlin lonak kong he pe tlai a hun chim thluahmah. Mi tampi cu phung ka chim tikah mi sualnak,mi cung lungtlin lo nak kong he petlai  bia chim thluahmah kan hmang. Kan chim mi hi a hman ko men lai nain a donghnak ah chim kan philh tawn mi cu Jesuh nih a kan dawtnak,misual a kan ngaihthiamnak vialte hi chim kan philh dih tawn.       

              Voikhat cu biakinn pakhat ah kai pum than i Pastor pa pakhat nih, hi Bibal cacang te hi pumhthok lai ah a hun rel "a ho hmanh, a rethei le a thilrit mi vialte hna ka sin ah ra tuah uh dinhnak kan pek hna lai"  tiah a hun rel.Court chung ii ka kal lio he cun ai dang ngai.Court chung ahkhan cun misualnak kawlnak hmun le misualnak hmuh i zuamnak hmun a rak si. A sual mi hna nih an sual ning bang , dantat nak an tong ii thihnak tiang biaceihnak an ton nak hmun a rak si. Nain cuka Biakinn ahcun, a ho hmanh ka sin ah ra uh dinhnak kan pek hna lai tiin sawmnak humn asi. A ho hmanh ati tikah,misual,mipalh,nan zate ka sin ah, nan si ning te bang kan sinah ra ko uh, dinhnak kan pek hna lai. kan ngaihthiam hna  akan ti tiah ka ruah.          

               Atu lio ah kan Khrifa  sinak ah sualnak phunzakip i phuhrung in biakinn ah a chuak ngam lo mi an tam ngai.zu din ruang sualnak nih a kan tem tawn. Zakiah zong sualnak ai phunhrung i Jesuh a rak dong ngam ve lo. Theipi kung cung in  a lang tuin a rak cuanh.Hi lio ah Phungbia cawnpiak tu hna pharisee pawl nih misualnak kawl in biaceih tu bawibang phung an rak chim cuta.Zakiah zong cu Jesuh hmai lawng lo,hi hna hmaikhap loin Theipi kung cung tuin a rak cuanh cu.Nain Jesuh nih Zakiah cu a rak ton. Nihin ni ah sualnak i phuhrung in  a lang in Jesuh a cuan mi tete nih Jesuh an ton te lai ti hi ka ruat theu tawn.       

               Voikhat cu ka hawinu pakhat nih biakinn ah tehte a khan a ti mi cu " vawleing cung ahcun a ho hmanh a tling mi kan um lo, nain Jesuh nih nan sining te bang ka sin ah ra ko uh a kan ti tiah tehte a hun khan.  

           Hi nu nih a ti ning bang vawlei cung cu a ho hmanh a tling mi kan um lo, Zu ding sabah,musual,hlawh hlang kan si ah" a biakinn thiang hmai ah zarh fatin te ka sining bang kal ko usilaw.Khi hmun ahkhin cun aho hmanh kan sualnak i kawlnak hmun si loin, kan zate kan i khat dih kan Bawipa dawtnak velchum ah kan um dih ko tinak hmun asi.kan thilrit le kan reheihnak in thumnak hmun asi.         

       Daihnak le Lomhnak          
     Tinzauk Peng          
     New Zealand