THAWNG TTHA
A hma sa bik ah caan ttha a kan pe tu PATHIAN cungah lomh nak ka ngei
i chung tel dih lak nan cung ah le a hlei in Ceu te cung ah lomh nak
ka ngei,
Ni hin thawng ttha ca ah kaa thim mi (MTT 5:3 ) "Mi cham bau kan si ti
aa hngal mi cu lung lawm mi nan va si dah! van cung pen nak cu nan mah
ta a si".Bawi pa nih a bia thlua kan chuah piak ko seh.
Hi bia hi khrih nih van cung lam phun khat a chim nak a si i
kan van bih colh lai,(MI CHAM BAU) KHRIH nih mi cham bau a ti tik ah
hin kei cu ruah nak ah, mui sam ah ,cawn nak ah ,kut le ke pum le rua
ah , bia chim holh rel ah mi cham bau ka si ti a hngal mi cu van cung
pen nak cu nan mah ta a si a ti duh nak a si lo ti hi a hma sa ah hun
langh ter ka duh.Kan cham bau nak taktak cu Adam ruang ah PATHIAN hmai
ah zei ti hmanh in mi tling kan si kho lo nak tu kha a si i cucu kan
theih ah cun si lo in kan hngalh ah cun van cung pen nak cu kan mah ta
a si.Ni hin nang na hngal cang maw a theih lawng dah na theih.Bia dang
ka tenh ta lai( KHRIH hi mi vial te khamh tu ah a ra tiah na zumh ah
cun a phaw lawng na si i kei mah khamh awk ah a ra tiah na zumh ah cun
a sa na si)tak sa ah kan chamh bau nak kan hngalh hlan ah thla rau in
kan chamh bau nak hi hngalh a herh deuh i cucu nun nak a si ti hi ka
van langh ter duh mi a si.
( KAN SI TI AA HNGAL MI) mi vial te hi tha rau ah kan chamh bau
lawng si lo in tak sa zong ah a tling mi kan um kho hrim hrim lo ti
zong hi kan theih chih ka duh hring hran.Zei cah tiah setan nih a
hrawh cang mi mi nung hi a tling kho lo ti hi kan philh tawn i a thiam
ah kan i ruat tawn a si lo ah mi dang pakhat khat khi a tling ah kan
ruah tawn tik ah ngeih chiat nak ,i rem lo nak le buai nak a phun phun
a chuak tawn .Cu caah khua mi dih lak nih kan ruah ding ka duh mi cu
kan chung khar ah kan nu le kan pa kan nu pi le kan pa sal ,kan fa le
, kan u kan nau kan hawi kom hna, kan KHRIH fa bu ah kan fellowship ah
a kan hruai tu vial te le kan mah hrim hrim hi mi cham bau le a palh
kho mi (tak sa ah) kan si dih ti hi kan theih ding ka duh i
(Filipi 2:3 )"toi dor nak lung thin tu kha ngei cio u law mi dang hnak in ka
tha deuh tiah zei tik hmanh ah va ruat hlah u"ti mi bel hi kan philh
lo ding ka duh.mi nung hi kan i bo chan ngai mi pawl khi mi cham bau
an si kan philh sual tik ah an palh tik ah kan thei thiam tawn lo a si
lo ah kan cung ah palh nak an ngeih tik ah kan lung faak tuk in a fak
i ngeih thiam an herh kha kan philh tawn.Ka chim duh mi cu kan khua
sak nak cio ah a kan hruai tu , kan chung khar le kan hawi kom vial te
hna hi kei mah ban tuk mi cham bau an si ve ti hi hmuh piak thiam hna
i an tlam tlin lo nak ah zei tin dah ka bawmh khawh hna lai ti hi kan
lung put si hram seh,mi nung nih hin kuat lat "blank"kan ngei cio i
kan blank cu aa khat cio lo pakhat blank kha pakhat nih tling te in
rak ngeih khawh a si.cucaah than cho nak caah lung rual a herh an ti
leng mang nak hi a si.
Cucaah i bawm riai mai in a bia pi bik mi thla rau ah nun nak a
ngei rih lo mi kan u kan nau caah rian tuan ti le tak sa ah chamh bau
nak a ngei mi lawng te hi kan that/tlin nak le kan chamh bau nak cio
hi fonh in a tling mi pa khat ah i ser hna u si vaan cung ram tiang in
ti hi kan sawm hna.PATHIANnih a tha a ti ning in thlua kan chuah piak
ko seh.Thawng tha a tling te in a hrawm mi bawi pa nih thluah chuah in
pe ko hna seh,ka lawm hring hran,
Pu Dawt Thang,
Malaysia
