Zinghmuh carel tu dih lak nan dam cio ko hna lo maw? Kei le ka chungkhar zong Pathian dawt nak le zaangfah nak thawng in kan dam lio asi ve. Carel tu dih lak nan sinah naihrawng ka nunnak ah Pathian bia a um tuk I nansin ah ka hon tial ta duh I ka palh sual zong si le ra ka ngai thiam hram u.
Cathiang rel u sih, “Bawipa,Bawipa, tiah a ka timi paoh in Vancung pennak chungah an lut dih lai, tinak asi lo, sigmanhsehlaw vancung ka Pa nih tuah hna seh ti a duhmi a tuahmi lawnglawng an lut lai.(mtt 7:21) cathiang thluachuah pe tu kan Pathian min thangtha chinchin ko seh. Amen. Bia/thu hram dawmh nak ah, A tulio vulei pi nih a caih ngaimi Daw Suh U.S a tlawng nak kong ah an I caih ngai mi pakhat cu, U.S i... Suh Chi a tlawn nak ah kawlmi 88 buai nak ruang ah a zammi ralzam I a fa le nih bia an hal an ti. An hal mi cu a tu hi kan ram ai thleng cuahmah vasi kaw! Kawlram ah kan tlung lai I cozah rian kan tuan kho lai maw? tiah mirang holh in an hal an ti. kawl ca le kawl holh le nunphung nan thiam maw? tiah Suh Chi nih cun a hal ve hna I kan thiam lo an ti I kawlmi kan si nan ti I kawl holh le ca nunphung pakhat te hmanh a chim le a tial nan thiam lo ahcun cozah rian cu nan tuan kho lai lo a ti hna an ti.( A si tak le sitak lo cu ka thei lo naan, mipakhat chim nak ka theih mi asi. hi thu/bia ka thei in ka nun nak ah Pathian bia a rak chuk I cucaah tahchun nak ah ka von lak mi asi) U nau nu le pa vialte hna, a cung i tahchun nak he/thawn ka cathiang ah lut hna u si.
1. Kan nih khrihfa Zumtu ai ti mi hna hi teh kawl pawl nih ca le nunphung holh thiam lo in kawl kan si ve tiah a phung sawhsawh I an min asi nak nih kawl ram ah cozah rian a tuan ter kho hna lo bantuk in, a min lawnglawng khrihfa kan si ahcun khamh nak kan hmu lai lo, cun Pathian rian hi kan tuan kho fawn lai lo.( A rian ka ti tikah kal I thawngthachim khrihfabu chung ah tuan lawng khi ka ti duh nak asilo pek nak in thlacam nak in tbk a phunphun in kan mah le kan ti kho tawk cio in tuan kho kan si ka ti duh nak asi) tuan duh nak zong kan ngei kho lai lo! tiah ka nun nak ah a ka cawnpiak.
2. Suh Chi nih a ti rih mi cu nu le pa hna zeicah dah kawl ca le holh nan fa le nung phung nan cawnpiak hna lo a ti i... a mawhchiat hna ti asi. Hi zawnte ah hin phun 2 in ka then lai.
(a) kan nih Zumtu hnai hi teh Khrihfa nunphung le ziaza kan cawng maw? Nifa tin kan nun nak ah, Khrih nunzia ka lang ter maw ti hi bia kai hal.
(b) cun kan Fa le hi that than le nun ziaza dawh Pathian duh ning in thang hna seh ti kan duh.
Asinain Khrih nih a kan khamh nak thawngtha nun phung le ziaza cu kan cawnpiak fawn hna lo. Cu tik ah kan fa le hi Khrih nun ziaza an ngeih lo tik ah kan mah nu le pa mawh kan phur te lai. a fiang ko. Cucaah cathiang kan rel bang khan Bawipa tiah ka kawh/auh sawhsawh nih van ah kan kai ter lai lo i..Pathian rian a kan tuan ter lai lo, kan hna a kan ngam ter lai lo, kan fa le an nun a dawh ter lai lo, a phung men min lawng kawl mi a si mi nih cozah rian tuan an ngak lo bang in kan nih zong a phung men khrihfa kan si nak nih a kan khamh ve lai lo! Rian zong a kan tuan ter lai lo. Nihin ah kan nun I chek cio hna usi Khrihfa kan si taktak maw? Vancung ka Pa nih tuah hna seh ti a tuah mi lawng an lut lai a ti, ni fa tin kan nun nak ah kan tuah mi I chek cio hna usi. Bawipa duh ning a si maw? A tu I kan I fian lo ahcun nikhatkhat ahcun kan hngal bel hna lo tiah ti kan si ve sual lai! Mawh kan phur ve sual lai! kan nun I chek cio hna usi. JESUH khrih kan ngeih lawng ah lawmh nak a tling mi ram kan phan kho lai I vulei ah hna ngam nak taktak kan hmu kho lai kan fa le Pathian duh ning in kan than ter kho hna lai. Carel tu dih lak le a tial tu Pathian nih thluachuah kan pek piak koseh. Palh sual mi le tial sual mi Bawi khrih min in ngaih thiam kan nawl hna.