ASHO CHIN
Asho-chin miphun(clan) hi hlan lio kawlca ah 'Khyeng' tiah an tial. A tam deuh nihcun 'Plain Chin' an ti hna. An i thek tuk ruangah tlakrawh kar belhkheu an tahchunh hna. An harnak pakhat cu holh(dialect) aa khat lo nakin khuakhat le khuakhat i tlawnkainak Lam ttha an ngeih rih lo hi a poi tuk an ti.Asho-chin khua pakhat le pakhat meng(200) hrawng cio in an i hlat hna tikah an lungthin i funtomnak a har deuh suaomau lai mu an ti tawn hna.An umnak hna cu- Rakhai Yoma tlangtluan hrawng, Kyaukphiu khua kiangkap, Maque khua kiangkap, Pegu khua kiangkap, Henzada khua khiangkap, Minbu khua kiangkap, Yementin khua kiangkap, Yangon - Insein kiangkap hrawng le Prome hrawngah khua an sa hna. Kawl miphun karcep khuasa an si bantuk in an biaknak zong Buddish an tam pinah kawl miphun nuncan ningin hi an zul deuh. Mifel le teima an tam ruangah Asho-chin miphun chungin cozah rian sang tuanmi an tampi. 1834 kum ahkhan Asho-chin nu *min an tial lomi* pakhat cu Rev. Francis Mason nih tipil a pek an ti. 1886 kum ah Mision Board nih Rev.Arthur E.Carson cu Asho-chin miphun pawl sinah Pathian thawngthabia phuan dingin an fial i Thayet khua ah kum(8) chung Pathian rian a ttuan. Rev. Carson nih 1892 kum tiangah Asho holh in hlabu fung(5) a ser piak hna i 1941 kum ahcun hlabu(170) an ngei kho cang ve ti asi. An thangcho ngai i 1954 kum ahcun Bibble biakamthar zong anmah Asho holh in an ngei cang an ti. 1963 kum ah Pathian thawngthabia, Asho-chin miphun sin a phanhnak kum(75) Lomhnak khawmpi cu Thayet khua ah an tuah. Asho-chin pawl cu an min hramthawk ah Pa nih *salaing* timi an i bunh, Nu nih 'Maing' timi an i bunh ve. Asho-chin miphun hi 1900 kum lio hrawng ahcun Asho holh a hmangmi minung (40000) an si an rak ti nain 1973 kum ahcun Asho holh a hmangmi (1000) tluk hrawng lawng an um ti asi ruangah Kawlnun nih a dolh pah cuahmah hna tinak asi.
Cherhchan-INDIA&BURMA&BANGADESH-A, P.80-81#
BRONO KHUK HEI
