LUSEI CHIN

  Lusei miphun(clan) tuanbia hi an ttial ning aa dang cio. Lusei min a sullam an ttial ningah WilliamShaw nih Kuki ..Kukai..Luakai..Lushei tiah aw-mer nak in asi a ti. T.H.Lewin nih minung lu rak sat in, rak ei bal hna seh law a lo bik tiah a ttial ve. V.L.Siam ttial mi ah Kawl miphun nih miphun an rak rel i a pahra nak luse in a rami min tiah a ti ve. Sihmanhsehlaw B.LalThangLian nihcun a cunglei ca-ttial tu pathum hna hi, an molh lo asi le ttih nunglei in a fim mi an si lai tiah a ttial ve. A.G.McCall,IC.S., Superintendent(AD.1931-43) nih Febuary 24,1934 kum ah Mizoram=Lusei Hills um Mang(Chief) pawl pohpoh a auh hna i, an chuahkehnak hringsor tu Pu-chan a hal hna tikah Ngur khua mangbawi *Pu LalSang nih a pu le chan(21) tiang a chim khawh ti asi. Hi Pu LalSang bia in tuanbia an ttial le a luan cia chan an tuak nak a tam pi. Chin miphun Kabaw rawn an rak phanh kaa, umnak hmun an rak khuar liochan ah hin, ZingThlo nih Thlahpa a hrin, Thlahpa nih DuhLian a hrin, DuhLian nih LuShei a hrin i LuShei nih LamLir - SumHau- ToCuang le ThangPi a hrin hna ti asi caah LuShei timi hi hringsor tu min a rak si an ti. LuShei hrinsor chungin mi tthawngttha an chuak lengmang ko nain ThangUr tupa 'or' ThangMang fapa *SaiLo* hi a fim thiam hlei khun pin ah a tthawngttha khun hlei tuk ko rua. SaiLo hi hla an phuah mi a tam tuk pin ah a rak bawi lio nehnang a lang khun bik. Curuangah ThangMang naupa CawngLul hrin zong nih ThangUr min phuntung loin SaiLo hrin kan si ve an i tinak hi asi. Mi cheukhat nih cun *hi SaiLo nih hin Sal, Lakhrawl, Khuabawi, Mang, Mangbawi timi le Sut-tungppom(make proposals of right)* timi hi a rak ser hmasa bik lai tiah an zumh. Sihmanhsehlaw Tidim Sihzaang=Thaute pawl nihcun SaiLo chan hlan ah kan mah in ai thawk cang tiah an ti ve. SaiLo hi AD.1675 hrawngah a thi an ti i, a thih tak hna hnu cun a fapa pathum CungNung, LianLul le CenKual nih an pa SaiLo bawifung cu an run  itan hna an ti. SaiLo a rak bawi nak hmunpi cu a tu Tlangkhua  hrawng khi si dawh in an ttial. Lusei miphun hi hrinphun(sub clan) in phun(11) hrawng an um i Phunmin(sub. sub clan) cun an tam pi ve ko.

Cherhchan- INDIA&BURMA&BANGLADESH-A, P.102-111#

                                                                                      BRONO KHUK HEI